Spots

nachlese der basler fasnacht

DOI: https://doi.org/10.4414/phc-d.2019.10060
Veröffentlichung: 03.04.2019
Prim Hosp Care Allg Inn Med. 2019;19(04):112

i bi dr dr. fmh – aber dä vom land

i bi vor freud, das säg ich iine

fascht chli duurenand.

will i darf e professer duze

das find i würklich glatt.

muesch glaube, sisch mi chefredakter

vo däm rote blatt.

normal behandlet me als dokter

uf em land mit müeh

näbe manne, fraue, chinder

geisse, hünd und chüeh

jetz muess i d’händ ganz suuber wäsche

und es deo neh

süscht darf i dämm in züri äne

nit emol d’ pfoote geh.

si! i säg doch mängisch bös:

lueg di profässore

si zwar halb so gscheit wie ich

aber wie di schnorre!

e schigge aazug und e schlips

es si halt nobli heere

im chopf derfür me gips als grips

die chönnte vo mir lehre!

jetz aber ebe dä profässer

fahrt im zug vo zug

jede tag nach züri dure

und macht dört zug um zug …

… forschig, die hett hand und fuess

das goht dr voll an d’niere

drum tuen ich ihm als alte fründ

vo härze gratuliere!

ich wünschti mir no vill vill meh

profässer vo där klass.

är hett e turbo in siim chopf

dä isch so gscheit, sisch krass.

wenn är dänkt, denn bin ich immer

e chli hindedrii –

sisch guet eso, i will jo schliesslich

au nit profässer sii!

P.S. mi MPA d’ Frau Säuberle

luegt s’ Fotti vo ihm aa

und seit denn, du, dä Profe

isch scho e schöne Maa!

Edy Riesen,

ehemaliger Redaktor PHC, pensionierter Hausarzt

Die Redaktion des Primary and Hospital Care gratuliert ihrem Chefredaktor Stefan Neuner-Jehle ganz herzlich zu dieser Professur und der neuen Aufgabe und wünscht ihm bei deren Ausübung viel Freude und ­Erfüllung!

La rédaction de Primary and Hospital Care félicite chaleureusement son rédacteur en chef Stefan Neuner-Jehle pour cette chaire et ses nouvelles missions, que nous lui souhaitons de remplir avec beaucoup de joie et de satisfaction!

Credits

Kopfbild: ID 7336063 © Zts | Dreamstime.com

Korrespondenzadresse

Dr. med. Edy Riesen
Ehemaliger Redaktor PHC, pensionierter Hausarzt
Hauptstrasse 100
CH-4417 Ziefen
edy.riesen[at]gmx.ch

Verpassen Sie keinen Artikel!

close